Idman.biz
Avropanın aparıcı liqalarında yay transfer pəncərəsi bağlanıb.
İdman.biz xəbər verir ki, sonuncu gün hücumçu İsak "Nyukasl"dan "Liverpul"a 125 milyon funt-sterlinqə keçib və bu, Premyer Liqa tarixində yeni rekorddur.
Lakin "Kristal Pelas"ın müdafiəçisi Gehinin "Liverpul"a 35 milyon funta başa gələ biləcək transferi baş tutmayıb.
"Bavariya" "Çelsi"dən Ceksonu 16,5 milyon avroya icarəyə götürüb, müəyyən şərtlər yerinə yetirildikdə 65 milyon avroya transfer reallaşa bilər.
"Mançester Yunayted" Antonini "Betis"ə 22+3 milyon avroya satıb və gələcək satışdan 50% pay əldə edəcək. "Napoli"yə 6 milyon avroya icarəyə verilən Höylund isə daha sonra İtaliya təmsilçisinə 44 milyon avroya satılacaq. Həmçinin Sanço mövsümün sonuna qədər "Aston Villa"ya icarəyə verilib. Mançester klubu qapıçı Lammensi isə "Antverpen"dən 21 milyon avroya transfer edib.
"Milan" Rabyonu "Marsel"dən 10 milyon avroya alıb.
PSJ Kolo Muanini "Tottenhem"ə 5 milyon avroya icarəyə verib, Asensionu isə "Fənərbaxça"ya 15 milyon avroya satıb.
"Atletiko" Niko Qonsalesi "Yuventus"dan 1+1 milyon avroya icarəyə götürüb, sonra da 32 milyon avroya alacaq.
"Yuventus" Jeqrovanı "Lill"dən 14,3+3 milyon avroya alıb. Opendanı "Leypsiq"dən 3,3+0,8 milyon avroya icarəyə götürüb, daha sonra da 40,6 milyon avroya alacaq.
Zinçenko "Arsenal"dan "Nottingem Forest"ə icarəyə gedib.
"Arsenal" "Bayer"dən İnkapiyeni 45 milyon funtluq alış opsiyası ilə icarəyə götürüb.
"Vilyarreal" "Lion"dan Mikautadzeni klub tarixinin rekord məbləği – 31+5 milyon avro qarşılığında transfer edib.
Vissa 55 milyon funt-sterlinq qarşılığında "Brentford"dan "Nyukasl"a keçib.
Vardi "Kremoneze"yə transfer olunub.
İdman.biz
