Idman.biz
İngiltərə futbolunda son 117 ilin ən böyük sensasiyalarından biri yaşanıb. Aşağı liqalarda çıxış edən klub ilk dəfə olaraq İngiltərə Kubokunun sahibini turnirdən kənarlaşdırıb.
İdman.Biz xəbər verir ki, altıncı liqada çıxış edən "Maklsfild" 1/32 final mərhələsində Premyer Liqa təmsilçisi "Kristal Palas"ı 2:1 hesabı ilə məğlub edərək tarixi nəticəyə imza atıb.
Qarşılaşmada qalib komandanın qollarından birini peşəsi traktor sürücüsü olan futbolçu vurub və bu fakt hadisəni daha da maraqlı edib.
Klubun sahibi Rob Smethersts isə tarixi qələbədən sonra maraqlı etiraf edib. O bildirib ki, "Maklsfild"i bir neçə il əvvəl həyatının ən emosional anlarından birində - dördüncü gün davam edən içkidən sonra alıb:
"Düzü, 0:6, 0:7 uduzacağımızı düşünürdüm. Belə bir şey görməmişdim. Bu, bizim üçün xüsusi bir andır!"
