Report.az
Türkiyənin "Trabzonspor" klubu Superliqanın XXX turunda "Fənərbağça" ilə oyuna Mehmet Türkmənin baş hakim təyin olunmasından narazıdır.
"Report" bölgə təmsilçisinin mətbuat xidmətinə istinadən xəbər verir ki, bu barədə klubun vitse-prezidenti Taner Fikrət Saral açıqlama verib.
O, indiyədək çempionatda 30 xalın əllərindən alındığını bildirib:
"18 matça eyni hakimlərin təyin edilməsi planlaşdırılmış əməliyyatdır".
O, Mehmet Türkmənin 6-cı dəfə "Trabzonspor"un görüşünü idarə edəcəyini xatırladıb:
"Dördünü Cihan Aydın, eyni sayda Zorbay Küçük, 3 dəfə Əli Şansalan, 2 dəfə Kadir Sağlam iş başında olub. Həftəsonu baş tutacaq qarşılaşma üçün əcnəbi hakim tələb edirdik, amma müraciətimiz cavabsız qalıb. M.Türkmən "Fənərbağça" azarkeşidir. Rəqib baş məşqçi onun haqqında "ən sevdiyim hakimdir" ifadəsini işlədib. "Trabzonspor" bu ölkənin futbol vicdanıdır. Haqsızlığa və ədalətsizliyə baş əyməyəcəyik".
Qeyd edək ki, aprelin 6-da baş tutacaq "Fənərbağça" - "Trabzonspor" oyunu saat 20:00-da start götürəcək.
