Sport24.az
"Trabzonspor"un ukraynalı müdafiəçisi Arseni Bataqov bir neçə Avropa klubunun diqqətini cəlb edib. Sport24.az "Taka Gazetesi"nə istinadən xəbər verir ki, ukraynalı "Napoli", "Bolonya" və "Benfika"nın maraq dairəsinə düşüb.
Mənbənin sözlərinə görə, bu komandaların nümayəndələri yanvarın 5-də Qaziantepdə keçiriləcək Türkiyə Super Kubokunun yarımfinalı çərçivəsində "Qalatasaray"la matçda oyunçunu canlı izləməyi planlaşdırırlar.
Keçən mövsüm Bataqovu 1,8 milyon avroya alan "Trabzonspor" artıq müdafiəçi üçün 30-35 milyon avro arasında qiymət təyin edib. Klub onu bu məbləğdən aşağı qiymətə satmaq fikrində deyil.
Qeyd edək ki, futbolçu bu mövsüm Türkiyə liqasında 16 oyunda meydana çıxıb və 2 məhsuldar ötürmə edib. Bataqov Ukraynanın 21 yaşadək futbolçulardan ibarət komandasında oynayır.
