Sport24.az
"İmişli"də yaxşı mövsüm keçirdim. I Liqada qapısıda ən az qol görən qolkiper oldum. Artıq icarə müddəti bitib və bu üzdən "Turan Tovuz"a qayıtdım. Tovuz klubu ilə daha bir iliik müqaviləm var". Bu sözləri Sport24.az-a açıqlamasında Mehman Hacıyev deyib.
29 yaşlı "çərçivə qoruyucusu" yeni mövsümü müqavilə ilə məxsus olduğu klubda keçirmək istədiyini də vurğulayıb: "Bu gündən məşqlərimiz başlayıb. Heç bir komandaya icarəyə getmək istəmirəm. Yaxşı təlim-məşq toplanışı keçib "Turan Tovuz"da qalmağı planlaşdırıram. İnanıram ki, doğma klubumda mənə də şans veriləcək. Yeni,adlı-sanlı, təcrübəli baş məşqçi gəlib. Hazırlıq dönəmində özümü yaxşı tərəfdən göstərib, Kurban Berdıyevin etimadını qazanmaq istəyirəm".
Qeyd edək ki, Hacıyev ötən ilin yayında Tovuz təmsilçisi tərəfindən "İmişli"yə icarəyə verimişdi
