Sport24.az
Bu gün Misli Premyer Liqasının 30-cu turunda keçiriləcək "Turan Tovuz" - "Sabah" oyunu komandaların Azərbaycan çempionatlarında 12-ci dueli olacaq. Sport24.az xəbər verir ki, əvvəlki 11 qarşılaşmanın 3-də Tovuz klubu, 5-də isə "bayquşlar" meydanı üç xalla tərk ediblər. Digər üç görüşdə isə qalib müəyyənləşməyib. Topların nisbəti isə bərabərdir - 15:15.
Günün ikinci matçında "Sumqayıt" "Şamaxı"nı qəbul edəcək. Bu isə tərəflərin çempionatda 47-ci oyunu olacaq. 13 dəfə "gənclik şəhəri" təmsilçisi, 20 dəfə "Şamaxı" qələbəyə sevinib. Topların nisbətində isə bölgə klubu aşkar üstünlüyə malikdir - 63:47. "Şamaxı" daha əvvəl "İnter" və "Keşlə" adı altında da çıxış edib.
Qeyd edək ki, Tovuzdakı matç saat 17:00-da, Sumqayıtdakı görüş isə 19:15-də start götürəcək.
