Sport24.az
"Hər mövsüm öncəsi olduğu kimi stadionu oyunlara hazırlamaq üçün müəyyən təmir-bərpa işlər görülüb". Bu sözləri Sport24.az-a açıqlamasında "Turan Tovuz" klubunun mətbuat kapiti Süleyman Tağıyev deyib.
Klub rəsmisi Tovuş şəhər stadionunda aparılmış işlərlə bağlı fikirlərini bölüşüb:
"Asfalt qatının sıradan çıxan hissələri və bütün reklam şitləri yenilənib. Lakin UEFA-nın tələblərinə əsasən yenə də müəyyən işlər görülməlidir. Bu da planımıza daxildir. Bütün işləri mərhələli şəkildə görürük. Hamısını eyni vaxtda etmək mümkün deyil. UEFA-nın etdiyi qeydlərə uyğun olaraq çatışmazlıqları aradan qaldırırıq".
Qeyd edək ki, süni örtüyün təbii qazonla əvəzlənməsi ilə əlaqədar Tovuz stadionu yaydan təmirə bağlanmışdı. Artıq işlər yekunlaşıb və "Turan Tovuz" Premyer liqanın X turu çərçivəsində baş tutacaq "Şamaxı" ilə matçı noyabrın 2-də "doğma divarlar" arasında keçirəcək.
