Sport24.az
Stadionu yenidən inşa olunan "Kəpəz"in növbəti mövsümün əvvəlində ev oyunlarını harda keçirəcəyi bilinmir. Sport24.az-ın əldə etdiyi məlumata görə, gəncəlilər Tovuz varinatını düşünsə də, bu alınmayacaq.
"Turan Tovuz" rəhbərliyi arenanın süni ortüyünü təbii qazonla əvəzləməyi düşünür. Yaxın vaxtlarda yenilənməylə bağlı işlərə start veriləcəyi gözlənilir. Belədə "boz qurdlar"ın özləri belə yeni mövsümün əvvəlini "doğma divarlar" arasında keçirə bilməyəcək.
Bəs "Kəpəz" rəhbərliyi hansı addımı atmağı, hara üz tutmağı düşünür? Kluba yaxın mənbədən əldə etdiyimiz bilgiyə əsasən bu məsələ ilə bağlı hələ qərar verilməyib.
Qeyd edək ki, cari mövsümdə "sarı-göylər" bütün ev oyunlarını Tovuzda keçirib.
