Sport24.az
"Tottenhem"in və Cənubi Koreya millisinin oyunçusu Son Hın Minin atası Son Un Junq öz akademiyasının yeniyetmə futbolçusu ilə pis rəftar etdiyinə görə cərimələnib. Onunla birlikdə həmin akademiyanın daha iki məşqçisi də sanksiyaya məruz qalıb. Sport24.az xarici KİV-ə istinadən xəbər verir ki, Çunçon Regional Prokurorluğu açıqlanmayan pul cəriməsi ilə yanaşı, məşqçilərə "uşaqlara qarşı zorakılığın qarşısının alınması" təlim proqramına keçməlidirlər.
Qeyd edək ki, keçən mart ayında akademiya oyunçularından birinin valideyni polisə bildirib ki, adı qeyd olunan çalışdırıcılar məşqdə səhvlərinə görə uşaqlara qarşı nalayiq ifadələr işlədirlər. Bundan əlavə, valideyn oğlunun Yaponiyada təlim-məşq toplanışı zamanı künc bayrağı ilə vurulduğunu da iddia edib.
