Idman.biz
"Tottenhem" tarixində 4-cü Avropa kuboku tiltulunu qazanıb.
İdman.biz xəbər verir ki, London təmsilçisi 3-cü dəfə əvvəlki UEFA, hazırkı Avropa Liqası kubokunu başı üzərinə qaldırıb.
Komanda bundan əvvvəl 1971/1972 və 1983/1984-cü illər mövsümlərində turnirin qalibi olub. Bundan başqa, "Tottenhem" bir dəfə tarixin yaddaşına köçən Kuboklar kubokuna sahib olub - 1962/1963.
Londonlular 2024/2025 mövsümünə turnirin Liqa mərhələsindən start veriblər. İlk oyunda "Qarabağ" 3:0 hesabı ilə qalib gələn "Tottenhem"in kuboka gedən yolu uğurlu alınıb. Liqa mərhələsini 5 qələbə, 2 heç-heçə və 1 məğlubiyyətlə başa vuran Ange Postekoqlunun yetirmələri birbaşa 1/8 finala vəsiqə qazanıblar. Komanda pley-offda ardıcıl olaraq "Alkmaar" (0:1, 2:1), "Ayntraxt" (1:1, 1:0) və "Bodo Qlimt"i (3:1, 2:1) mübarizədən kənarlaşdıraraq, həlledici oyuna vəsiqə qazanıb. Burada isə digər ingilis təmsilçisi "Mançester Yunayted" səddi aşılaraq, 41 ildən sonra növbəti avrokubok mükafatı əldə olunub.
"Tottenhem" bu mövsümdə "Mançester Yunayted"ə qarşı keçirdiyi bütün oyunları qələbə ilə başa vurub. İngiltərə Premyer Liqasında 3:1 və 1:0 hesabları üstün olan londonlar İngiltərə Liqa kubokunun 1/4 finalında isə 4:3 hesabı qalib gəliblər.
Qeyd edək ki, Avropa Liqasındakı qələbə sayəsində "Tottenhem" növbəti mövsümdə Çempionlar Liqasında çıxış etmək hüququ qazanıb.
İdman.biz
