Sport24.az
"Komo"nun futbolçusu Niko Pas karyerasını İngiltərə Premyer Liqasında davam etdirə bilər. Sport24.az xəbər verir ki, "Tottenhem" argentinalı hücumameyilli yarımmüdafiəçini transfer etmək istəyir.
Bu barədə "Telegraph" nəşri məlumat yayıb.
İtaliya klubu oyunçunu satmağın əleyhinə deyil. Onlar 20 yaşlı ön xətt oyunçusu üçün 70 milyon avro təzminat tələb edir.
Qeyd edək ki, "Komo" Niko Pası ötən ilin yayında "Real"dan transfer edib. Argentina millisinin üzvü A Seriyası təmsilçisinin heyətində meydana çıxdığı 36 rəsmi matçda 6 qol və 9 məhsuldar ötürmə ilə yadda qalıb.
