Sport24.az
"Tottenhem" "Mançester Siti"nin braziliyalı hücumçusu Savioya ciddi maraq göstərir. Sport24.az xəbər verir ki, bu barədə insayder Fabrisio Romano X sosial şəbəkəsində paylaşım edib.
Mənbənin sözlərinə görə, klublar artıq danışıqlara başlayıb və 21 yaşlı futbolçunun özü də keçidə razıdır. London klubunun baş məşqçisi Tomas Frank Savionu sərəncamında görmək istəyir.
Qeyd edək ki, 21 yaşlı forvard "Atletiko Mineiro"dan ayrıldıqdan sonra, daha dəqiq desək, 2022-ci ildən Avropada oynayır və daha əvvəl Niderlandda PSV-nin və İspaniyada "Jirona"nın formasını geyinib. O, ötən mövsüm "şəhərlilər"in heyətində bütün turnirlərdə 48 oyun keçirib, 3 qol vurub və 13 məhsuldar ötürmə edib. Onun klubu ilə hazırkı müqaviləsi 2029-cu ilin yayına kimi nəzərdə tutulub.
