Idman.biz
Bu gün UEFA Avropa Liqasının finalında İngiltərənin iki klubu üz-üzə gəlib.
İdman.biz xəbər verir ki, Premyer Liqada finişə bir tur qalmış 17-ci pillədə qərarlaşan "Tottenhem" 16-cı mövqedəki "Mançester Yunayted"lə qarşılaşıb.
Feliks Svayerin rəhbərliyilə alamaniyalı hakimlər briqadasının idarə edəcəyi oyun İspaniyanın Bilbao şəhərindəki "San Mames" stadionunda keçirilib.
Avrokuboklarda sonuncu dəfə "Tottenhem" 1984-cü ildə UEFA kubokunu, "Mançester Yunayted" isə 2017-ci ildə Avropa Liqasını qazanıb.
Rəqiblərin şəxsi görüşlərinə gəlincə, 2023-cü ildən bəri keçirilən 6 qarşılaşmadan 4-də "Tottenhem" qalib gəlib, 2-də isə heç-heçə qeydə alınıb.
İngilislərin budəfəki duelinin taleyini bir qol həll edib. Birinci hissənin sonlarında "Tottenhem"in futbolçusu Brennan Conson hesabı açıb. Qalan dəqiqələrdə "Mançester Yunayted"in səyləri nəticəsiz qalıb. London klubu 41 ildən sonra qitəmiqyaslı turnirlərdə qələbə qazanıb.
UEFA Avropa Liqası
Final
21 may
23:00. "Tottenhem" - "Mançester Yunayted" - 1:0
Qol: Conson, 42
Bilbao, "San Mames" stadionu
İdman.biz
