Sport24.az
1990 və 1998-сi il dünya çempionatlarının iştirakçısı Toni Polster DÇ- 2026-nın seçmə mərhələsi çərçivəsində Avstriyaya 0:10 hesabı ilə məğlub olan San Marino millisini sərt tənqid edib. Veteran futbolçu bununla bağlı "Kronen Zeitung" nəşrinə açıqlama verib:
"Bu, milli komanda deyil, pizzaiolos (pizza aşpazları) komandasıdır. Onların beynəlxalq arenada yeri yoxdur. Mənim vaxtımda belə zəif komanda olmayıb. Arnautoviç indi bombardirdir? Təbrik edirəm, ona uğurlar arzulayıram".
Qeyd edək ki, bu matçdan əvvəl Polster Avstriya millisinin bütün zamanların ən yaxşı bombardiri idi. San-Marinoya 4 qol vuran Marko Arnautoviç artıq onu qabaqlayır və siyahıya başçılıq edir.
San Marino millisi isə hazırda FIFA reytinqində sonuncu, 210-cu yerdədir.
