Idman.biz
Madrid "Real"ının əfsanəsi, almaniyalı sabiq yarımmüdafiəçi Toni Kroos futbol tarixinin ən yaxşı qapıçısını seçib.
İdman.biz "Give me Sport" portalına istinadən xəbər verir ki, o, daha çox üstünlüyü almaniyalı qapıçıya verib.
Kroos ən yaxşı qapıçı kimi Manuel Noyeri gördüyünü deyib: "Noyerdən başqa variant olduğunu düşünmürəm. Oliver Kanla bir neçə məşq keçirmişəm. Lakin artıq sözə ehtiyac yoxdur... Mənim üçün Noyer bütün zamanların ən yaxşı qapıçısıdır".
Qeyd edək ki, Noyer 2009-2024-cü illərdə Almaniya millisində çıxış edib. O, karyerası ərzində 124 oyun keçirib. 118 qarşılaşmada qol buraxsa da, 51 matçda qapısını təhlükəsiz saxlamağı bacarıb. Noyer 2011-ci ildən "Bavariya"da çıxış edir. Qolkiper Münhen klubuna keçməmişdən əvvəl yetirməsi olduğu "Şalke 04"ün qapısını qoruyub.
İdman.biz
