Sport24.az
"Real"ın sabiq futbolçusu Toni Kroos "Barselona"nın hücumçusu Lamin Yamal haqda danışıb. Sport24.az xəbər verir ki, veteran futbolçu bu barədə "La Gazzetta dello Sport"a açıqlama verib:
"Mən də 17 yaşda "Bavariya"nın əsas komandasına düşmüşəm. Ancaq onun səviyyəsində deyildim. Yamal sadəcə, mükəmməldir. Mən o yaşda heç vaxt belə bir şey görməmişəm. Onun sabit çıxışından danışıram. Laminin təbii istedadı göz qabağındadır.
Məni bu oğlanı xüsusi hesab etməyə vadar edən onun meydanda lider olmaq istəyidir. Çətin anlarda həmişə təşəbbüsü ələ alır və 17 yaşında bu heç də normal deyil. O, iki möhtəşəm mövsüm keçirib, sonuncusu isə sadəcə heyrətamiz idi. Mən onun kimi gənc görməmişəm".
Qeyd edək ki, Yamal 2023-cü ildən "Barselona"nın əsas heyətində çıxış edir. Futbolçunun klubla müqaviləsi 2029-cu ilə qədərdir.
