Idman.biz
"Neftçi"nin sabiq forvardı Tomislav Mişuranın Sportal.az-a müsahibəsi
- "Neftçi"nin keçirdiyi oyunları izləyirsən?
- İmkan olduqca matçlara baxıram. Alınmırsa, ən azından nəticələri izləyirəm.
- Komandanın qeyri-stabil çıxışını necə dəyərləndirisən?
- Təbii ki, qeyri-stabil çıxış yaxşı deyil. Sevindirici nəticələr deyil. Görünən budur ki, "Neftçi"nin heyəti yenidən qurulmalıdır. Bu baş verəcək, ya yox onu da artıq zaman göstərəcək.
- "Neftçi" hazırda turnir cədvəlində 6-cı pillədədir, ölkə kubokunun yarımfinal mərhələsinin ilk görüşündə isə "Sabah"a 1:2 uduzub. Mövsümün qalan hissəsində "Neftçi"nin uğurlu çıxışına inanırsan?
- İnanıram və arzulayıram ki, "Neftçi" ölkə kubokunu qazanaraq mövsümü xilas edəcək. Dediyim kimi, "Neftçi"də dəyişikliklərə, yenilənməyə ehtiyac var. "Neftçi"nin oyun stilinə uyğun futbolçular dəvət etmək lazımdır.
- "Neftçi"nin avrokuboklara yollanmaq üçün demək olar ki, tək yolu da kubokdan keçir...
- Bəli, bəli. Məhz buna görə "Neftçi"nin kuboku qazanacağına inanmaq istəyirəm. Çətin olacaq, lakin mümkünsüz də deyil.
- "Neftçi"dən səndən sonra daha bir sloveniyalı oynadı, o da Mixal Peskoviç. 2015-ci ildən bu yana komandada sloveniyalı oyunçu yoxdur. Sabiq komandanda həmyerlilərinin oynaması sənin üçün maraqlıdır?
- Doğrudur, Peskoviçi də xatırlayıram. Düzünü desəm, tanıdığım oyunçular var ki, onlar məndən "Neftçi" haqda soruşurlar. Çünki bu klubda oynadığımı bilirlər. Bu mənada, ara-sıra suallar verirlər. Bilmək olmaz, bəlkə nə vaxtsa sloveniyalı oyunçulardan birini "Neftçi"yə gətirdim (gülür).
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
