Lent.az
İyunun sonunda məlum olub ki, Tomas Parti 5 mövsüm oynadığı "Arsenal"la müqaviləsini yeniləməyəcək.
Lent.az xarici mediaya istinadən bildirir ki, ilkin olaraq səbəb iyunun sonunda başa çatan müqavilə kimi göstərilirdi. Amma...
İndi hər şey o qədər də aydın deyil. Futbolçu avqustun əvvəlində beş zorlama və bir cinsi zorakılıq hərəkəti ittihamı ilə məhkəmə qarşısına çıxacaq. Üç potensial qurban var.
32 yaşlı futbolçu 2021-2022-ci illər arasında baş verən hadisələrdə ittiham olunur.
İki zorlama faktı bir qadına, daha üç fakt isə digərinə aiddir. Üçüncü qız yarımmüdafiəçini cinsi təcavüzdə ittiham edir. Məhkəmə avqustun 5-də olacaq.
Parti bütün ittihamları rədd edir və "adını təmizləmək" imkanı əldə etdiyinə görə xoşbəxtdir.
Məlumdur ki, istintaq 2022-ci ilin fevral ayından, polisin futbolçuya qarşı ilk ittihamları aldığı vaxtdan davam edir.
