Idman.biz
Bu yay MLS klubu "Vankouver Uaytkeps"lə müqavilə imzalayan "Bavariya"nın əfsanəsi Tomas Müller xatirə əşyalarını xeyriyyə məqsədi ilə hərraca çıxarıb.
İdman.biz xəbər verir ki, əşyalar arasında onun Kanada yığması ilə ilk forması, oyun geyimləri, köynəklər, avtoqraflı butslar, "Bavariya"dakı son matçının künc bayrağı və futbolçunun 200 yaşlı palıd ağacından oyulmuş heykəli də yer alıb.
Hərrac "United Charity" portalında keçirilir. Bütün gəlirlər yaxınlarını itirmiş uşaq və yeniyetmələrə yardım edən fondun hesabına keçəcək.
Qeyd edək ki, 35 yaşlı Müller 2025-ci ilin yayında klublararası dünya çempionatı başa çatdıqdan sonra "Bavariya"nı tərk edib. O, Münhen komandasında 756 oyun keçirib, 250 qol vurub və 276 məhsuldar ötürmə edib. İki Çempionlar Liqası Kuboku da daxil olmaqla 33 dəfə kubok qazanıb. 2014-cü ildə Almaniya millisi ilə dünya çempionu olub.
İdman.biz
