"Bavariya"nın sabiq futbolçusu Tomas Müllerin "Vankuver Uaytkeps"ə keçidi rəsmiləşib.
İdman.biz xəbər verir ki, bu barədə Kanada təmsilçisindən məlumat yayılıb.
35 yaşlı hücumçu ilə 2025-ci ilin sonuna kimi müqavilə imzalanıb. Razılaşmaya əsasən, sövdələşmənin müddəti daha bir artırıla bilər.
Qeyd edək ki, Müller yayda keçirilmiş klublararası dünya çempionatından sonra "Bavariya"nı tərk edib. O, Münhen klubunun heyətində 33 titul qazanıb.
İdman.biz