Report.az
Almaniyalı futbolçu Tomas Müller cari mövsüm başa çatdıqdan sonra "Bavariya"dan ayrılacağını açıqlayıb.
"Report" xarici KİV-ə istinadən xəbər verir ki, 35 yaşlı futbolçu sosial şəbəkələr vasitəsilə Münhen komandasında çıxışını davam etdirmək istədiyini, lakin klubun müqaviləni yeniləməmək qərarına hörmətlə yanaşdığını bildirib.
Bütün karyerasını "Bavariya"da keçirən təcrübəli hücumçu Bundesliqa təmsilçisinin heyətində 12 dəfə Almaniya çempionu, iki dəfə Çempionlar Liqasının qalibi adını qazanıb.
Qeyd edək ki, bu mövsüm forvard klubda 36 oyun keçirib, 5 qola və eyni sayda məhsuldar ötürməyə imza atıb.
