Idman.biz
"Mançester Yunayted"in qapıçısı Senne Lammensin qardaşı belçikalının "qırmızı şeytanlar"a keçməsi haqda danışıb.
İdman.biz xəbər verir ki, Tom Lammensin fikrincə, qapıçının "Qalatasaray"a keçməsi daha yaxşı olardı.
"Orada ("Qalatasaray"da) çoxlu güclü oyunçular var, onlar kuboklar uğrunda mübarizə aparırlar və yəqin ki, Senne özünü dərhal Çempionlar Liqasında göstərə bilərdi. Əvvəlcə onun "Mançester Yunayted"ə keçməsinə şübhə ilə yanaşırdım, çünki oradakı bir çox oyunçu artıq təzyiqlərə tab gətirə bilmir və potensiallarını tam reallaşdıra bilmirdilər", - Tom Lammens bildirib.
Xatırladaq ki, Lammens əvvəllər Belçikanın "Antverpen" klubunda çıxış edib, sonra Ruben Amorimin komandasına keçib. Mətbuatın yazdığına görə, transfer 21 milyon avro təşkil edib.
İdman.biz
