Idman.biz
"Matçdan öncə də bizi çətin oyunun gözlədiyini bilirdik".
Bu sözləri Sport24.az-a açıqlamasında "Sabah"ın futbolçusu Timoteuş Puxaç deyib.
Cinah müdafiəçisi "Sumqayıt"la heç-heçə etdikləri Misli Premyer Liqasının VI turunun oyunu ilə bağlı fikirlərini bölüşüb:
"Bu qarşılaşmaya yaxşı hazırlaşmışdıq. Düşünürəm ki, bu oyunda çox yaxşı çıxış elədik. 3 qol vurduq, daha çoxunu vura bilərdik. Təəssüf ki, bu qollardan ikisi sayılmadı və meydandan 3 xalla ayrıla bilmədik".
Polşalı oyunçu qalibiyyətə layiq olduqlarını söyləyib:
"Düşünürəm ki, qələbəyə layiq idik. İndi bu oyunu unudub qarşıdakı matçlara hazırlaşmalıyıq. İnanıram ki, növbəti oyunlarımızda hədəfimizə çata biləcəyik".
Qeyd edək ki, "Sabah" - "Sumqayıt" oyunu 1:1 hesabı ilə başa çatıb.
