Lent.az
Yarımmüdafiəçi Ticani Reyncers "Milan"ı tərk edəcək - hollandiyalı "Mançester Siti"yə keçməyə yaxındır.
Lent.az xarici KİV-ə istinadla bildirir ki, X şəbəkəsində insayder Fabrisio Romanonun xəbərinə görə, ingilis klubu italyanlarla transferin şərtlərini artıq razılaşdırıb.
Klubların şifahi razılığa gəldiyi və potensial transferin məbləğinin təxminən 70 milyon avro olacağı qeyd edilir. Reyncers özü də əvvəllər "vətəndaşlar"la şəxsi müqavilənin şərtlərini razılaşdırıb.
25 yaşlı yarımmüdafiəçi 2024/25 mövsümündə bütün turnirlərdə 54 oyun keçirib, 15 qol vurub və 5 məhsuldar ötürmə edib. Xatırladaq ki, iki il əvvəl "Milan" onu "AZ Alkmaar"dan 20,5 milyon avroya alıb.
