Idman.biz
"Real Madrid"in qapıçısı Tibo Kurtua dekabr ayının komandasının ən yaxşı oyunçusu seçilib.
İdman.Biz xəbər verir ki, 33 yaşlı futbolçu səsvermədə Antonio Rüdiger, Rodriqo Qoes, Aurelien Çouameni və Cud Bellingemi geridə qoyub.
Ötən ay belçikalı qapıçı "Real Madrid"in heyətində bütün yarışlarda beş oyun keçirib və iki oyunda qapısını toxunulmaz saxlayıb. Qalan oyunlarda Kurtua beş qol buraxıb.
Belçikalı 2018-ci ildən "Real Madrid"də çıxış edir. Onun klubla hazırkı müqaviləsi 2027-ci ilin yayına qədərdir. Transfermarkt-dakı məlumata görə, onun bazar dəyəri 18 milyon avrodur.
