Sport24.az
Türkiyə Futbol Federasiyasının (TFF) prezidenti İbrahim Hacıosmanoğlu FİFA və UEFA-ya məktub göndərərək İsrail klublarının və millinin yarışlardan dərhal kənarlaşdırılmasını tələb edib. Sport24.az xəbər verir ki, bu barədə NTV Spor məlumat yayıb.
Hacıosmanoğlunun sözlərinə görə, idman dünyası və futbol qurumları İsrailin hərəkətlərinə çox uzun müddətdir ki, səssiz qalıb:
"İllərdir humanitar təşkilatlar İsrailin hərəkətləri nəticəsində yaranan ölüm və iztirablarla bağlı narahatlıqlarını dilə gətirir. Hər gün daha çox günahsız insan ölür. İndi FİFA və UEFA-nın hərəkətə keçmə vaxtıdır. İsrail dərhal bütün idman yarışlarından kənarlaşdırılmalıdır".
