Sport24.az
"Turan Tovuz"dan təklif gözləsəm də, onlardan dəvət gəlmədi. Belə olduqda digər variantlar üzərində düşünməyə başladım". Bu sözləri Sport24.az-a açıqlamasında Tərlan Quliyev deyib.
32 yaşlı müdafiəçi yeni kluba keçidinə də münasibət bildirib: "Tovuz təmsilçisindən ayrıldıqdan sonra bir neçə klublardan təkliflər aldım. Ancaq ortaq məxrəcə gələ bilmədik. Həmin klubların şərtləri ilə tələblərim üst-üstə düşmədi. "İmişli"nin təklifi məni qane etdiyindən razılaşma əldə olundu. Həm rəhbərlik, həm də baş məşqçi Fərid Namazovla söhbətdən sonra I Liqa təmsilçisiylə müqavilə imzaladım. Məqsədim bu komandanın çempion olmasına tövhə verməkdi".
Qeyd edək ki, Quliyev karyerası ərzində "Neftçi", "Qarabağ", "Şamaxı", "Turan Tovuz" və "Kəpəz"in formasını geyinib.
ABDULLA İSMAYILOĞLU
