Tərlan Əhmədov: "Hakimin simpatiyası "Qarabağ"a yox, "Ayaks"a idi"

"Qarabağ" ilk 15 dəqiqədə mükəmməl oynadı. Qol vurdu, sayılmadı. Görünən o idi ki, orada oyundan kənar vəziyyət var idi. Julio Romaonun qırmızı vərəqə alması oyunun qırılma nöqtəsi oldu. Fərdi səhvlər üzündən təmsilçimiz məğlub oldu. Romao belə bir oyunda həmin səhvi etməli deyildi". Bu sözləri Sport24.az-a açıqlamasında Tərlan Əhmədov Avropa Liqasının III turunun "Qarabağ" – "Ayaks" oyununu (0:3) şərh edərkən deyib.

Təcrübəli mütəxəssis oyunun taleyini Julio Romanun aldığı qırmızı vərəqə həll etdiyini bildirib:

"Romao Oyunun taleyini həll etdi. Komandasını azlıqda qoydu. Bundan sonra üstünlük "Ayaks"a keçdi. Avropa klubları ilə 10 nəfərlə oynamaq çətindir. Geridə qalan 80 dəqiqə ərzində "Qarabağ" yaxşı mübarizə apardı. Rəqib futbolçular "Qarabağ"ın futbolçularını səhv etməyə məcbur edirdi. Bunun sayəsində qollar vurmağa başladı. Oyuna diqqətlə baxmışam. Həm Juninyonun, həm də Medianın epizodunda penaltı var idi. "Qarabağ" ötənilki komanda deyil. Stabil oyun nümayiş etdirmirlər. Çempionat oyunlarında da görsənir ki, müdafiədə boşluqlar var". 

Əsədov oyunun baş hakiminin "Ayaks"a simpatiyası olduğunu bildirib:

"Hakimin simpatiyası "Qarabağ"a yox, "Ayaks"a idi. Amma Elvin Cəfərquliyev və Julio Romaonun qırmızı vərəqə alması haqlı idi. Hər iki komandanın qapısına penatli təyin edilməli idi. Niyə verilmədi? Bunu hakimin öz vicdanına buraxaq. Bizim komandalara qarşı ayrı-seçkilik hiss olunur. Bu cür hadisələr normaldır. Biz hazırlıqlı olmalıyıq. Bunun üçün də çempionatın və klubların səviyyəsini qaldırmalıyıq. Ümid edək ki, Ağdam təmsilçisi önümüzdəki maçtlarda bizləri sevindirəcək".