Idman.biz
Tanınmış veteran futbolçu və təcrübəli məşqçi Tərlan Əhmədov "PODKAT" layihəsinin növbəti buraxılışında Azərbaycan futbolunun reallıqları haqqında açıq və səmimi fikirlərini bölüşüb.
İdman.biz xəbər verir ki, müsahibədə bir çox aktual mövzulardan danışılıb, problemlərə toxunulub və çıxış yolları təklif olunub.
Əhmədov yerli futbolun inkişafında qarşıya çıxan əsas maneələr barədə söz açaraq, uşaq futboluna diqqətin artırılmasının vacibliyini qeyd edib.
O, akademiyalarda baş verən narahatedici hallara da toxunub. Bəzi istedadlı uşaqların qeyri-rəsmi yollarla başqa klublara aparıldığını və bunun nəzarətsiz qalmasının ciddi problem yaratdığını bildirib.
Azərbaycan futbolunun keçmişinə nəzər salan veteran futbolçu bir çox şərəfli anları və unudulmaz oyunları xatırladıb.
Futbolçu kimi bir müddət Ukraynada oynayan Əhmədov oradakı futbol həyatından da söz açıb.
O, "ən doğma klub" sualına da cavab verib. "Neftçi", yoxsa "Qarabağ"?
Öz məşqçi karyerasından danışan Əhmədov bu illər ərzində qazandığı təcrübə və qarşılaşdığı çətinliklər barədə də fikirlərini bölüşüb.
O, ölkə futbolunda məşqçilərin işinə müdaxilələrdən danışaraq, bu məsələnin futbolun inkişafına ciddi zərbə vurduğunu qeyd edib.
İdman.biz
