Sport24.az
"Əl-Şəbab"ı çalışdıran Fatih Terimin Səudiyyə Ərəbistanında ayın məşqçisi seçildiyinə görə aldığı pul mükafatının məbləği məlum olub. Sport24.az xəbər verir ki, türk mütəxəssisin komandası mart ayında keçirdiyi 3 matçdan 2-də qalib gəlmiş, 1-də isə heç-heçə etmişdi.
"Əl-Şəbab" Terimin bu uğuru ilə əlaqədar paylaşım edib. Paylaşımdakı fotoda Terimin əlindəki 10 min Səudiyyə Ərəbistanı realı (2 min 450 avro) məbləğində çek olduğu görünür.
Qeyd edək ki, Terim bu ilin yanvar ayından "Əl-Şəbab"ın baş məşqçisidir.
