Idman.biz
"Barselona" Mark-Andre ter Stegeni cəzalandırmaq istəyir.
İdman.biz xəbər verir ki, qapıçı klubun onun zədəsi ilə bağlı hesabatı La Liqanın tibbi komissiyasına göndərməsinə razılıq verməkdən imtina edir.
Almaniyalı qolkiper bir müddət əvvəl belindən əməliyyat olunub. Kataloniya klubu isə La Liqanı qapıçının bərpa prosesinin dörd ay çəkəcəyinə inandırmaq istəyir - bu isə "Barselona"ya yeni transferi qeydiyyatdan keçirməyə imkan verə bilər.
Kataloniya təmsilçisi bu məsələ ilə bağlı hüquq şöbəsinə müraciət edib və ter Stegenin qərarının kluba həm iqtisadi, həm də idman baxımından zərərli olduğunu əsas gətirərək, onu cəzalandırmağın mümkün olub-olmadığını araşdırmağa başlayıb.
"Barselona" başa düşür ki, ter Stegenin bu sənədi imzalamaqdan imtina etməyə hüququ var, lakin klub hesab edir ki, qapıçı müqavilə imzalayarkən müəyyən öhdəlikləri və məsuliyyəti də üzərinə götürüb.
Klubun idman direktoru Deko məsələni bu həftə ter Stegenlə müzakirə etməyi planlaşdırsa da, komandanın kapitanı La Liqa komissiyası üçün tibbi arayışı imzalamaq fikrində olmadığını açıq şəkildə bildirib.
İdman.biz
