Idman.biz
"Barselona"nın qapıçısı Mark-Andre ter Ştegen karyerasını davam etdirə bilər.
İdman.biz xəbər verir ki, o, "İnter"in transfer siyahısına düşüb.
Milan təmsilçisi komandanı tərk etməsi gözlənilən Yan Zommerə əvəzedici axtarır. "Barsa"nın transferə çıxardığı almaniyalı qapıçı gələn həftə bir daha klubdakı gələcəyini müzakirə edəcək. Hətta kataloniyalıların ter Ştegenlə müqaviləyə xitam verməsi də gözlənilir.
Qeyd edək ki, "Barselona" artıq yeni qapıçı ilə güclənib. Komanda 25 milyon avroya "Espanyol"dan Joan Qarsiyanı transfer edib. Bundan başqa, ötən mövsümdə kataloniyalıların qapısını qoruyan Voytsex Şçesnı ilə iki illik müqavilə imzalanıb.
İdman.biz
