Sport24.az
"Barselona"nın qapıçısı Mark-Andre ter Ştegen İspaniya mətbuatında boşandığı həyat yoldaşının ona xəyanət etməsi ilə bağlı yayılan xəbərlərə münasibət bildirib. Sport24.az xəbər verir ki, o, sosial şəbəkə hesabındakı paylaşımında bu barədə yazaraq xəbərlərin yalan olduğunu qeyd edib:
"Hörmətli ictimaiyyət, Katalunya Radio Cat Group media şirkətində zəif idarəçilik və nəzarətin olmaması məni şoka salır, məyus edir. Onlar yalan xəbərlər yaymaqla, insanların hüquqlarını pozmaqla məşğuldurlar. Bu radionun jurnalistləri həyat yoldaşım Danielanı və onun nüfuzunu açıq şəkildə təhqir edən yalançılardır.
Danielanın heç bir xəyanəti yox idi. Bu faktdır. Dani və mən qarşılıqlı qərarla ayrıldıq. Amma yenə də dostluq münasibətlərimizi qoruyuruq. Aparıcı dövlət mediasının Danielanı yalandan ittiham edən bu məlumatı yayması tamamilə qəbuledilməzdir".
Qeyd edək ki, bir neçə gün əvvəl boşanan cütlük 2017-ci ildə ailə qurmuşdu.
