Sport24.az
"Barselona"nın qapıçısı Mark-Andre ter Ştegen Kataloniya klubundan mümkün ayrılığı ilə bağlı yayılan şayiələrə münasibət bildirib. Sport24.az xəbər verir ki, bu barədə jurnalist Kerri Hau "X" sosial şəbəkəsində (əvvəlki "Twitter") məlumat yayıb. Almaniyalı futbolçu deyib:
"Bu mövzuda mənimlə heç kim danışmayıb. Gələn il "Barselona"da olacağımı dəqiq bilirəm. "Barselona" dünyanın ən böyük klublarından biridir, burada rəqabət təbiidir. Mənim üçün vəziyyət dəyişmir. Gənc, dinamik və uğura ac olan bu komanda ilə növbəti mövsümü səbirsizliklə gözləyirəm".
Qeyd edək ki, ter Ştegen 2014-cü ilin yayından "Barselona"nın heyətində çıxış edir. Bu müddət ərzində o, klubla 6 dəfə La Liqa çempionu olub, 6 dəfə İspaniya Kubokunu, 4 dəfə isə Superkuboku qazanıb. 33 yaşlı qapıçı həmçinin UEFA Çempionlar Liqasının qalibi adını da qazanıb.
