Idman.biz
"Barselona"nın qapıçısı Mark-Andre ter Ştegen keçirdiyi cərrahiyyə əməliyyatından sonra klubun həkimlərini evinə buraxmaqdan imtina edib.
İdman.biz Sport.es saytına istinadla xəbər verir ki, ter Ştegen Barselonaya qayıtdıqdan sonra Kataloniya klubunun tibbi heyəti onun evini ziyarət edərək reabilitasiya prosesinin gedişatını şəxsən yoxlamaq istəyib.
Lakin qapıçı bu təklifə qəti şəkildə yox cavabı verib. O, bildirib ki, heç bir halda klub həkimlərinin evinə gəlməsinə icazə verməyəcək.
Buna baxmayaraq, futbolçu ona təyin olunan reabilitasiya planına ciddi şəkildə əməl edir və klubun bazasında müntəzəm olaraq görünür. Bütün prosedurlar cədvələ uyğun və pozuntusuz şəkildə yalnız klub ərazisində həyata keçirilir.
Qeyd edək ki, daha əvvəl "Barselona" rəsmi şəkildə intizam araşdırması səbəbilə almaniyalı qapıçının kapitanlıq sarğısından məhrum edildiyini açıqlamışdı.
İdman.biz
