Idman.biz
İspaniyanın "Barselona" komandasının qapıçısı Mark-Andre ter Ştegen karyerasının növbəti mərhələsi ilə bağlı tələsmir və klubdan ayrılmağa meyilli deyil.
İdman.Biz "Diario Sport" nəşrinə istinadla xəbər verir ki, alman qolkiper mövsümün sonuna qədər "Jirona"ya icarəyə getmək variantı ətrafında yayılan söz-söhbətlərə baxmayaraq, "Kamp Nou"da qalmağa üstünlük verir.
Mənbəyə görə, Joan Qarsiyanın "Barselona"da əsas qapıçı kimi sürətli yüksəlişi Ter Ştegenin gələcəyini sual altına salıb. Klub alman futbolçunu icarəyə verməyə açıqdır və "Jirona" bu istiqamətdə real maraq göstərir. Lakin Kataloniya klubunun maliyyə çətinlikləri danışıqlar üçün əsas maneə olaraq qalır.
Bildirilir ki, ter Ştegen Almaniya millisi ilə birlikdə 2026-cı il dünya çempionatının heyətinə düşmək üçün xüsusi plan üzərində çalışır. Onun oyun praktikasının azlığı bu məqsədi risk altına sala bilər.
Bununla belə, 33 yaşlı qapıçı mövsümün ikinci yarısında kubok oyunlarında meydana çıxmağın milli komandaya qayıtmaq üçün kifayət edəcəyinə inanır.
