Report.az
İtaliyanın "Milan" klubunun futbolçusu Teo Ernandes karyerasını Səudiyyə Ərəbistanında davam etdirməyə yaxındır.
"Report" xəbər verir ki, bu barədə insayder Fabritsio Romano məlumat yayıb.
Sol cinah müdafiəçisi "Əl-Hilal"la anlaşıb. Ona illik 20 milyon avro maaş təklif olunub. Hazırda klublar keçidi yekunlaşdırmaq üzrədirlər. Yaxın vaxtlarda tərəflərin razılıq əldə edəcəyi gözlənilir.
Qeyd edək ki, Teo Ernandes ötən mövsüm bütün turnirlərdə 49 oyuna 5 qol və 6 məhsuldar ötürmə ilə yadda qalıb.
