Sport24.az
"Yeni mövsümə hazırlıq prosesi axarı ilə gedir. Hazırda Qusarda məşqlərimizi davam etdiririk". Bu sözləri Sport24.az-a açıqlamasında "İmişli"nin məşqçisi Fərid Namazov deyib.
Mövsümlərarası fasilədə Əsgər Abdullayevin əvəzinə I Liqanın iddialı klubununun "sükan arxasına" keçən gənc mütəxəssis qarşıdakı planlar barədə məlumat verməklə yanaşı, yeni transferlərdən də danışıb: "Təlim-məşq toplanışını Qusarda davam etdirməklə, həm heyəti kompkektləşdirməyə çalışırıq. Eyni zamanda hazırlıq dönəmində yoxlama oyunları keçirməyi planlaşdırırıq. Avqustun 10-da "Şahdağ Qusar", 13-də isə "Şimal" ilə üz-üzə gələcəyik. Çox istəyirdik ki, ən azı bir qarşılaşmada I Liqa təmsilçisi ilə gücümüzü sınayaq. Amma komandaların maddi vəziyyəti və əvvəlcədən müəyyənləşdirdiyi plana görə bu baş tutmadı. Abbas Ağazadə, Bahadur Həziyev və Elməddin Sultanov kimi yerli futbolçular düşərgəmizdədi. Hər üçünün komandamızıa faydalı olacağına inanıram. Bundan başqa legionerlərdən ötən mövsüm "İrəvan"da çıxış edən Andrey Sinyeka, müdafiəçi Diyeqo Vaskes və pleymeyker Pablo Enrike bizimlədi".
Qeyd edək ki, I Liqada yeni mövsümə sentyabrda start veriləcək.
ABDULLA İSMAYILOĞLU
