Sport24.az
La Liqanın rəhbəri Xavyer Tebas çempionatla bağlı açıqlama verib. Sport24.az xəbər verir ki, funksioner La Liqada "Real" ilə "Barselona" arasındakı çempionluq yarışından danışıb:
"Barselona" iki il əvvəl La Liqanı qazandı. Bu mövsüm də yaxşı irəliləyirlər. Futbolda nəyisə bilmək olmur. Mbappenin "Real"a keçməsindən sonra onların məğlubedilməz olacağını deyirdilər, amma futbol belə işləmir.
İnsanlar da yeni mühitə uyğunlaşmalıdırlar. Futboldur, Mbappe komandaya gəldi və hələ heç nə qazanılmayıb. Və ya "Jirona" mövsümün sonuna üç tur qalmış çempionluq uğrunda mübarizə apara bilər. Hər şey mümkündür. Lakin indiki məqamda "Barselona" təqdirəlayiqdir, çünki heç kim onlardan bunu gözləmirdi".
"Barselona" La Liqada 13 turdan sonra 33 xalla birinci sıradadır və ikinci "Real"ı 6 xal qabaqlayır.
