Idman.biz
"İnter"in hücumçusu Mehdi Taremi klubların dünya çempionatında iştirak etmək üçün Tehrandan ABŞ-yə uça bilməyib.
İdman.biz xəbər verir ki, bu barədə "La Gazzetta dello Sport" məlumat yayıb.
İran hakimiyyəti İsrailin hücumları səbəbindən ölkənin hava məkanını bağlayıb. Taremi paytaxtın hava limanına gəlsə də, daha sonra təhlükəsizlik məqsədilə oradan ayrılıb. Mənbənin məlumatına görə, "İnter" 32 yaşlı futbolçu ilə əlaqə saxlayır və yaranmış vəziyyətdən çıxış yollarını axtarır.
Qeyd edək ki, "İnter" klublararası dünya çempionatının qrup mərhələsi çərçivəsində iyunun 18-də "Monterrey"lə qarşılaşacaq. Daha sonra milan təmsilçisini "Urava Reds" və "River Pleyt"lə oyunlar gözləyir.
İdman.biz
