İdman.biz
Türkiyənin TRT (Belgesel) kanalı "Qarabağ" Futbol Klubu barədə iki hissəlik sənədli film çəkib.
İdman.biz QOL.az-a istinadən xəbər verir ki, "Qol atan cəbhəyə" adlı film artıq "TRT Belgesel" kanalında yayımlanıb və Türkiyədə müsbət reaksiyalar doğurub.
Filmdə "Qarabağ" klubunun nümayəndələri, Ağdam şəhərindən olan bir neçə ziyalı, "Qarabağ"ın azarkeşləri və Azərbaycanın Milli Qəhrəmanı Allahverdi Bağırovun bacısı Almaz Bağırova müsahib qismində iştirak ediblər.
Həmin filmin tezliklə Azərbaycan kanallarından birində də yayımlanacağı gözlənilir.
Qeyd edək ki, Türkiyənin "TRT Spor" kanalında tanınnış jurnalist Levent Özçelikin aparıcısı olduğu verilişdə "Qol atan cəbhəyə" filmindən, eləcə də "Qarabağ" komandasının çıxışından danışılıb.
Özçeliklə yanaşı filmin ssenari müəllifi Erdal Hoş, ekspert Mustafa Sapmaz da fikirlərini bildiriblər.
İdman.biz
