Report.az
Kolumbiya millisinin yarımmüdafiəçisi Xames Rodriges İspaniya La Liqası təmsilçisi "Rayo Valyekano"dan ayrıla bilər.
"Report" xarici KİV-ə istinadən xəbər verir ki, o, klubla müqaviləsinə xitam verilməsini istəyir.
33 yaşlı futbolçunun baş məşqçi İniqo Pereslə yola getmədiyi bildirilir.
Qeyd edək ki, X.Rodriges cari mövsüm "Rayo Valyekano"nun heyətində 7 oyun keçirib. O, daha əvvəl "Real" (Madrid, İspaniya) və "Bavariya" (Almaniya) kimi tanınmış klubların şərəfini qoruyub.
