Tahir Süleymanov: "Nə yerli komanda amili, nə də dolu tribunalar referiyə təsir edirdi"

"Oyun sakit başladı, səviyyə fərqi, taktiki gedişlər hakimlər briqadasının işini asanlaşdırırdı. İkili mübarizələrin azlığı, orta/aşağı tempdə gedən qarşılaşmada baş hakim demək olar səhvlərə yol vermir, görüşü tam nəzarətdə saxlayırd"i Bu sözləri Sport24.az-a açıqlamasında beynəlxalq dərəcəli hakim Tahir Süleymanov deyib.

Sülerymanov fransalı hakimlər briqadasının işinin öhdəsindən layiqincə gəldiyini də vurğulayıb: "İlk dəqiqələrdən əks-hücumlara bel bağlayan "Qarabağ", tam ərazi üstünlüyünə malik olan, rahat oynayan "Totenhem"li müdafiəçiləri diqqətdən yayındırmışdı. Belə epizodların birində, 7-ci dəqiqədə Juninyonun fərdi pressinqi öz bəhrəsini verdi. Topu itirən mərkəz müdafiəçisi hücumçumuzu əllə tutub saxladı. Fransız referi qətiyyət, obyektivlik nümunəsi nümayiş etdirərək futbolçuya qırmızı vərəqə göstərərək meydandan kənarlaşdırdı. Oyunda ara-sıra sürət qalxsa da, ədalət təmsilçiləri ilk hissəni yüksək səviyyədə idarə etdilər. İkinci hissə ilk yarıya baxanda daha qarşılıqlı hücumlar şəraitində keçdi, ikili mübarizələr çoxaldı və referinin yükü bir qədər artmış oldu. Baş hakim oyuna nəzarət edir, meydanda özünəinamlı davranırdı. Referinin ədalətli oyun idarə etməsi hər iki komanda futbolçularının ona olan müsbət münasibətini şərtləndirirdi. Qırmızı vərəqədə olduğu kimi, penalti epizodunda da baş hakim qətiyyəti ilə seçildi. Nə yerli komanda amili, nə də dolu tribunalar referiyə təsir edirdi. Hakimlər görüşə psixoloji olaraq çox yaxşı hazırlaşmışdılar. Qırmızı, penalti, yüzfaizli qol epizodlarına baxmayaraq, təəssüf ki, "Qarabağ" böyükhesablı məğlubiyyətlə üzləşdi".

Qeyd edək ki, Avropa liqasının Liqa mərhələsinin ilk turunda dünən səfərdə "Totennhem"ə 0:3 hesabı ilə məğlub olub.
Bu fikirləri Sport24.az - a açıqlamasında veteran hakim Tahir Süleymanov deyib.

ABDULLA İSMAYILOĞLU