Idman.biz
"Bavariya"nın qapıçısı Sven Ulrayx cari mövsümün sonunda karyerasını başa vuracaq.
İdman.Biz bu barədə klubun sosial media hesabına istinadən məlumat verir.
Futbolçunun Münhen klubu ilə hazırkı müqaviləsi 2026-cı ilin yayına qədərdir və heç bir tərəf müqaviləni uzatmayacaq. Mənbənin məlumatına görə, qapıçı klubda fərqli bir rolda qalacaq.
"Ştutqart"ın gənclər sisteminin yetirməsi olan Sven Ulrayx 2015-ci ildən 2020-ci ilə qədər "Bavariya"da oynayıb, daha sonra "Hamburq"a keçib. O, 2021-ci ildə Münhen klubuna qayıdıb. Ulrayx "Bavariya" ilə səkkiz Almaniya çempionluğu, üç Almaniya Kuboku və altı Almaniya Superkubokunu qazanıb. O, həmçinin Münhen klubu ilə Çempionlar Liqası və UEFA Superkubokunu qazanıb.
