Idman.biz
"Bavariya" və Almaniya millisinin keçmiş yarımmüdafiəçisi Bastian Şvaynştayger 2026-cı ildə keçiriləcək böyük turnirlər üçün proqnozlarını verib.
İdman.Biz-in məlumatına görə, o, Premyer Liqa, Bundesliqa, Çempionlar Liqası və Dünya Kuboku kimi yarışların qaliblərini proqnozlaşdırıb.
Şvaynştaygerin fikrincə, "Arsenal" İngiltərə Premyer Liqasını qazanacaq. Bundesliqada o, "Bavariya"nı favorit hesab edir və həmçinin onların Çempionlar Liqasını qazanacağını proqnozlaşdırır. 2026-cı il dünya çempionatına gəldikdə isə, Şvaynştayger İngiltərənin kuboku qazanacağına inanır.
Qeyd etmək lazımdır ki, bir il əvvəl Şvaynştayger İngiltərə və Almaniya çempionlarını düzgün proqnozlaşdırmışdı. Lakin o, Çempionlar Liqası, Avropa Liqası və Klublararası dünya çempionatı üçün proqnozlarında səhvlərə yol verib.
