Sport24.az
Yaponiya millisinin hücumçusu Suto Matino Münhenqladbax "Borussiya"sına transfer olunub. Sport24.az "Bild"ə istinadən xəbər verir ki, yaponiyalı futbolçu "Borussiya" ilə müddəti 2029-cu ilin yayına qədər olan müqavilə imzalayıb.
Almanlar onun üçün bonuslarla birlikdə 10 milyon avroya qədər vəsait ödəyəcək. 25 yaşlı forvard ötən mövsüm "Holştayn Kil" klubunun heyətində çıxış edib.
Qeyd edək ki, Matino 2024/25 mövsümündə Bundesliqada 32 oyunda 11 qol vuraraq "Holştayn"ın ən məhsuldar oyunçusu olub. Ancaq komanda 17-ci yeri tutaraq 2-ci Bundesliqaya düşüb.
