Sport24.az
"Fənərbaxça"da gözlənilən oyunu sərgiləməyən Cenk Tosun İstanbul klubundan ayrılacaq. Sport24.az xəbər verir ki, Superliqanın debütantı "Bodrum" Türkiyə millisinin hücumçusunu heyətinə qatmaq istəyir. Bu barədə yerli mətbuat məlumat yayıb.
Volkan Demirelin baş məşqçisi olduğu klub hücumçu ilə bağlı "Fənərbaxça" ilə danışıqlara başlayıb. "Bodrum" 33 yaşlı forvardı icarəyə götürmək istəyir. Təcrübəli futbolçu özü də ayrılığıa isti yanaşır.
Qeyd edək ki, Cenk Tosun "Beşiktaş"la müqaviləsi başa çatdıqdan sonra 2024-cü ilin yayında azad agent statusu ilə "Fənərbaxça"ya keçmişdi. Türk hücumçu İstanbul təmsilçisinin heyətində 10 matçda 187 dəqiqə meydanda olub və 1 qol ötürməsi ilə yadda qalıb.
