İdman.biz
Bu gün "Qalatasaray" – "Hatayspor" matçı ilə Türkiyə Superliqasının 67-ci mövsümünə start veriləcək.
İdman.biz xəbər verir ki, 1959-cu ildən Milli Liqa kimi keçirilməyə başlayan yarışda indiyə kimi 77 komanda mübarizə aparıb.
İlk çempionatda oynayan 16 komandadan yalnız 3-ü – "Qalatasaray", "Fənərbaxça" və "Beşiktaş" istisnasız və fasiləsiz olaraq bütün mövsümlərdə ən güclülərin sırasında mücadilə aparıb.
Cari çempionatın digər 16 iştirakçısından "Trabzonspor" 51-ci, "Samsunspor" 32-ci, "Göztəpə" 31-ci, "Antalyaspor" 29-cu, "Konyaspor" 24-cü, "Çaykur Rizəspor" 23-cü, "Adana Dəmirspor" və "Kasımpaşa" 21-ci, "Kayserispor" 20-ci, "Sivasspor" 19-cu, "İstanbul Başakşəhər" 17-ci, "Alanyaspor" 8-ci, "Qaziantep" 6-cı, "Hatayspor" 5-ci, "Bodrum" və "Eyüpspor" ilk mövsümünə çıxır.
"Fənərbaxça"nın çempionluğu ilə başlanan Türkiyə çempionatında zəfəri ən çox qeyd edən "Qalatasaray"dır – 24 dəfə. "Fənərbaxça" 19 dəfə zirvəyə yüksəlib. Son çempion "Qalatasaray"dır.
Çempionat iştirakçılarından ən qədim tarixə malik klublar "Beşiktaş" (1903), "Qalatasaray" (1905) və "Fənərbaxça"dır (1907). Ən "gəncləri" isə "İstanbul Başakşəhər" (1990), "Kayserispor" (1988) və "Qaziantep"dir (1988).
Ən yaşlı heyətə "Qaziantep" (orta – 26,73), "Antalyaspor" (25,80), "Eyüpspor" (25,74), ən gənc heyətə "Adana Dəmirspor" (23,06), "Çaykur Rizəspor" (23,33) və "Kasımpaşa" (23,39) malikdır.
19 klubdan 6-nı xarici, 13-nü yerli məşqçi çalışdırır. Ən yaşlı məşqçilər 61 yaşlı Joze Maurinyo ("Fənərbaxça") və Abdulla Avcı ("Trabzonspor"), ən gəncləri isə 39 yaşlı Burak Yılmaz (Kayserispor) və Selcuq İnandır ("Qaziantep").
I tur
9 avqust
"Qalatasaray" – "Hatayspor"
10 avqust
"Kasımpaşa" – "Konyaspor"
"Fənərbaxça" – "Adana Dəmirspor"
"Antalyaspor" – "Göstəpə"
11 avqust
"Sivasspor" - "Trabzonspor"
"Alanyapor" – "Eyüpspor"
"Samsunspor" – "Beşiktaş"
12 avqust
"Çaykur Rizəspor" - "İstanbul Başakşəhər"
"Bodrum" – "Qaziantep"
Vüqar Məmmədov
İdman.biz
