Idman.biz
Türkiyə Superliqasının 24-cü turu çərçivəsində keçirilən "Antalyaspor" - "Fənərbağça" matçı məhsuldar heç-heçə ilə başa çatıb. Qarşılaşma 2:2 hesabı ilə yekunlaşıb.
İdman.Biz xəbər verir ki, ardıcıl ikinci dəfə meydanı bərabərliklə tərk edən "sarı-lacivərdlilər" çempionluq yarışında ağır zərbə alıblar. Matçın ilk hissəsi meydan sahiblərinin üstünlüyü ilə keçib. Kerem Aktürkoğlunun ələ düşən fürsətləri dəyərləndirə bilmədiyi oyunda hesabı 43-cü dəqiqədəLevent Mercan açıb.
İkinci hissənin əvvəlində, 49-cu dəqiqədə Sander van de Streek "Antalyaspor"un üstünlüyünü iki topa çatdırıb. Lakin "Fənərbağça" xarakter nümayiş etdirərək geri dönməyi bacarıb. 63-cü dəqiqədə Sidiki Şerif İstanbul klubundakı ilk qolunu vuraraq fərqi minimuma endirib. Cəmi altı dəqiqə sonra Veysel Sarı topu öz qapısına göndərərək hesaba tarazlıq gətirib - 2:2.
Qalan dəqiqələrdə hər iki tərəfin cəhdlərinə baxmayaraq, hesab dəyişməyib. Bu nəticədən sonra "Fənərbağça" 54 xalla lider "Qalatasaray"dan dörd xal geri qalır. "Antalyaspor" isə xallarını 24-ə çatdıraraq 13-cü pillədə qərarlaşıb.
Paralel keçən oyunda "Samsunspor" - "Qaziantep" oyununda hesab açılmayıb.
Bu oyundan sonra ev sahibi komandan 32 xalla yeddinci pillədəki mövqeyini qoruyub. "Qaziantep" isə 29 xalla doqquzuncudur.
19:52
Türkiyə Superliqasının 24-cü turu çərçivəsində keçirilən "Gənclərbirliyi" - "Kayserispor" matçında qalib müəyyənləşməyib. "Eryaman" stadionunda baş tutan qarşılaşma qolsuz heç-heçə ilə yekunlaşıb.
İdman.Biz xəbər verir ki, bu nəticə hər iki klubun yeni baş məşqçiləri üçün əlamətdar olub. "Gənclərbirliyi"nin sükanı arxasında ikinci oyununa çıxan Levent Şahin paytaxt təmsilçisi ilə ilk xalını qazanıb. "Kayserispor"un yeni çalışdırıcısı Erlinq Moe isə Türkiyə çempionatındakı debüt matçında bir xalla kifayətlənib.
Gərgin keçən mübarizədə hər iki tərəfin fərqlənmək imkanları olsa da, qapıçılar və müdafiə xətti səhvsiz oynayıb. Bu bərabərlikdən sonra "Gənclərbirliyi" xallarını 24-ə yüksəldərək 12-ci pilləyə yüksəlib, "Kayserispor" isə 20 xalla 17-cidir.
Növbəti turda "Gənclərbirliyi" səfərdə "Alanyaspor"un qonağı olacaq. "Kayserispor" isə öz meydanında Fatih Tekkenin rəhbərlik etdiyi və turnir cədvəlinin üçüncü pilləsində qərarlaşan "Trabzonspor"u qəbul edəcək.
