Sport24.az
"Bunun mənim üçün əhəmiyyəti olduqca böyükdür. Çünki, bu, ölkədə qazandığın ilk titulumdur". Sport24.az xəbər verir ki, bunu "Qarabağ"dan "Flamenqo"ya keçən Juninyo deyib.
28 yaşlı hücumçu ötən gün Brazliya Superkubokunda "Botafoqo"ya qalib gəldikləri (3:1) matçdan sonra açıqlama verib:
"Bu komandada olduğum üçün çox xoşbəxtəm. Düşünürəm ki, bu, mənim üçün yeganə seçim idi. Əlbəttə bir gün ölkəmə qayıtmaq istəyim də var idi. Bilirdim ki, arzularımı gerçəkləşdirə biləcək, çempion ola biləcəyim yeganə klub "Flamenqo"dur".
Juninyo sözügedən qarşılaşmanın 80-ci dəqiqəsində meydana daxil olub.
Qeyd edək ki, hücumçu 2023-cü ildən "köhlən atlar"ın formasını geyinib. Azərbaycan çempionatının və kubokunun qalibi olan forvard Ağdam klubunda 80 oyun keçirib, 42 qol və 4 məhsuldar ötürmə ilə yadda qalıb.
